البـــــاجــيـــرو (PAJERO).....السيارة القضية......ما لها وما عليها في حوار مفتوح

[رفيع الشأن]

غريب ياخوي فيه اعضاء معك داكار سيارته موديل 2005 لكن سعودي ومااشتكى منها شي مرتاح وكل يوم تكسير مخلنها رالي ^_^ وماشاء الله زي القمر معه
وواحد من الجيران عنده اعتقد 98 ويروح به الامارات والمكيف من البروده يعقك الدبة ^_^
ومع انه السيارة ماصيانة وكالة
والله اعلم مافي سيارة صديقك
وفي الكراسي الخلفية المقاعد الثالثة صراحة الباجيرو بالغة بها لانه كثير صغيرات افضل لو تخليها تتسكر مثل البرادو على فوق عشان يكون مساحة ويوسع اربعة اشخاص او ثلاثة لانه حسب ماخبروني الجماعة انه صغر الكراسي بسبب انها تنزل على تحت بس سؤال هل يمكن اني اطلب باجيرو ويكون الكراسي لما تسكرها تروح على فوق مثل البرادو؟

لاتزعلني منك ياراعي الجالوبر
الحين انا اشوف عملية تعليق الكراسي جدا بدائية وعيب كبير في اي سيارة توجد فيها
وانت تبيها في الباجيرو؟ صدقني راح اشطب على الباجيرو من تفكيري مباشرة لو فكرو مجرد تفكير يعلقون كراسيه <<< لا تكفى عطهم فرصة هالمرة

عشان كذا انا احترم الفورد....لاتوجد سيارة تضاهيها في عملية اخفاء المراتب الخلفية بضغطة زر واحد فقط ....فعلا عالم تشغل مخها صح.

[أبـو أنـس]

اخلص علينا ياابو انس ......نحتري هالتعليق وشكله بيطلع تعليق مستقل مع قفل دفرنس




حياك اخوي RALLI//////ART
بالنسبة لكلامك ان عزم الباجيرو يقل على الطلعات الكبيرة اعتقد ان هذا بسبب التراكشن كنترول بمجرد مايشتغل يطيح عزم السيارة
وهذا عيب التراكشن كنترول في المناطق الرملية......لكن في صعود المنحدرات الصخرية ليس له مثيل وفعلا جبار
ولو كان فيه زر لفصل التراكشن كنترول كان انحلت هالمشكلة تماما في البر وراح يمشي معك بشكل رائع

تحياتي لك

أخيراً طلع التعليق .. بمحاور صلبه دفرنس

يارجال موب حسد لكن قهر من وكلائنا الخايسين لكن عندي احساس ان الامور بتتحسن عندنا
وبتخرب عندكم خخخخخ ...لاتخاف تراكم اخوانا ونتمنى لكم كل خير



مايصلح نختصر...لكن انا اشوف ان الزر لو ماكفى يكتب عليه "يتبع" ثم يكمّل على ازرار الباجيرو مال عيال عمه

على فكرة...انت طرحت فكرة جيدة وصراحة تدور في راسي منذو مبطي...وهي اني اشتري الباجيرو من احد دول الخليج وانا مرشح الكويت...لان وكيلها مواصفاته زينة واسعارة تعتبر الارخص اذا ماني غلطان
لكن ماادري هل وكيلنا الحلو يقبل يفتح لها كرت ضمان عنده ولا بيسوي فيها
لان اللي اعرفه ان ضمان ميتسوبيشي عالمي وغصب على الوكيل في اي دولة يدخله تحت الضمان

من يفيدنا في هالموضوع؟

وأيضاً تفكيري مثلك أيضاً ..

السلام عليكم


بالنسبة للغيبة فقد كنت في رحلة الي كوريا

تلبية الادارة لدعوة المجدوعي للسيارات لزيارة مصنع هونداي بكوريا

الاخوان ماقصرو وردي لن يكون مختلف كثيرا
لكن لاحظت احد الردود يرة غلط الوكيل بتوفير محرك 3 لتر بينما نرى وكلاء اخرين ياتي بجيب منافس بمحرك 4 اسطوانات سعة 2.7 وقوة 157 حصان وبسعر يفوق ال100 الف ريال وهذا هو المنافس لمحرك 3 لتر فاليكن هناك بعض العدل

سيارات متسوبيشي بشكل عام ذات جودة عالية وتعاني من عدم الاهتمام كثيراً من قوة المحرك وهذا واضيح كما هو الحال في شركة تويوتا مثلاً في الاعوام الماضية بعكس نيسان

انا من الاشخاص الذين اعجبو بالباجيرو بشكل كبير وربما يكون خياري الجديد عند الرغبة في تغيير السيارة عام 2010 ان شاء الله

تحياتي للجميع

إلى علقني في السيارة أكثر هو أبو سعد .. لإن مثل أبو سعد . أي سيارة يقتنيها تعتبر للشركة دعاية .. يعني كثير يحددون مصيرهم .. بناء على أختيار أبو سعد .. >> أروح أنا معك يا صالح ..

فعلا ...اللي يبي يشتري باجيرو يشتريه من الكويت
الله يعيننا على وكيلنا السياحي

وهذا ماقررات عليه بأذن الله ..

والخطة المستقبلية أني سوف أشتري السيارة أنا و salehhd .. من الكويت طبعاً 2010 .. فل كامل ..

أن شا ءالله ..


موضوع كبير وفيه فائدة عظيمة جداً لمن يريد شراء سيارة بايجيرو ..

وصراحة تستاهل التقييم ويستاهل الرفع .. ونحن في شوق لمزيد من مواضعيك يا رفيع الشأن

ولكم أطيب تحية

[عابر البيد]

والله يا شباب انا صديقي عنده باجيرو بس 2004 3.8 كويتية

السيارة روعة طبعا ولاكن يشتكي من نظام التكييف ومن استهلاك البريكات بشكل كبير وبشكل مو طبيعي يعني كل شهرين تنتهي عليه البريكات

طبعا هو استخدامه شوي قاسي لكنه استخدم سيارات غير وكانت مريحته

المهم يشتكي منها ومن غلاء قطعها في البحرين اضافة إلى مشاكل اخرى ذكرها عدا قضية الكراسي الخلفية الضيقة

بالنسبة للمكيف قد تكون حالة نادرة لان اقل ما يوصف المكيف بالفيريزر ’ عليه بمراجعة الوكالة ..

اما بالنسبة للفرامل حتى لو كان استخدام قاسي فالمفروض ان تخدم اقل شي 6 شهور ..

اذا طلع نظام الاي بي اس والتراكشن سليم فعليه بالاتي :

قم بالاتي :

سو خرط للهوبات الامامية ..

ركب الفرامل الاصلية ..

سو تنسيم لزيت الفرامل الخلفية فقط لتخفيف الضغط عن الفرامل الامامية ..

تأكد من عدم احتكاك الفرامل الامامية بالهوبات ..

شد اسلاك الفرامل الخلفية حتى تكون شبه ملاصقة للهوبات ..(وزن)

تجنب الضغط الفجائي والقوي اول 300 كم وهذا مذكور عندك في كتيب المالك ..

تأكد من ضغط هوا ء الاطارات جميعها وكل ما كان الهواء ناقص استهلكت الفرامل بشكل اسرع ..

الفرامل الامامية تعيش معي 6 شهور او 50 الف كم تقريبا
الفرامل الخلفية اغيرها كل 90 الف كم تقريبا

طبعا موتري باجيرو 2004 بدون اي بي اس

جرب الخطوات اللي ذكرتها لك بالكامل وان شاء الله تشوف نتيجة طيبة..

تحياتي للجميع ..,

[أبوداحم]

يتميز الباجيرو بالانظمة التي دائما تبنكرها مستويشي وهي الرائدة

في هذا المجال

وهي من اوائل الشركات التي تصنع هذه الانظمة ومــــنهـــا


AWC all wheel control
وهو التحكم بكل العجلات وينقسم الى 3 اقسام
الاول التحكم في الجر بالعجلات الاربع

الثاني التحكم في القوة للاربع عجلات

الثالث تحكم في الانزلاق

ونظام ASTC

هو نظام التحكم النشط في الاستقرار والجر

.........

ولدة دبل يعتبر من الجيل الثاني متفوقا على اغلب المنافسين

وياتي باربع اوضاع

2H
4H
4HLC
4LLC

[ابو فلاح 3]

الباجيرو 3000 في الطلوع الى المرتفعات تحس انك تسوق شاحنة من ثقل السيارة

[هـــب الـــريـــح]

خبراء الباجيرو

269 احصان هل هي الصافي او الاجمالي

[عابر البيد]

269 حصان الاجمالي

[sabel]

السلام عليكم

انا متسغرب ليه النقاش وقف ... اتمنى الاستمرار لان النقاش في السياره هاذي تحس انك قاعد تطالع فلم اكشن وفجأه جاء واحد وطفى التلفزيون >>> ( ياعيني على الامثال)

وين راحوا الممثلين .. اقصد خبراء وملاك الباجيرو نبغاكم تكملون باقي الحوار في السياره لاني من جد اندمجت مع اني ما امتلك الباجيرو ... وحقيقة وليس مجاملة افكر جديا اني اخطب لي وحده >>> (شكله فاهم الموضوع غلط )