بخصوص كفرات هانكوكـ

[حامض حلو23]

كيفك شبااااااب ان شاء الله طيبين

بســــــــــأل عن كفرااات هانكوكـ كيف جيدة ولا لا أنا كنت ابغى اركب بريجستون بس السعر مره عالي الياباني ب300 ريال , والاندونوسي 250 ريال للكفر الواااااحد

سألت عن الهانكوك قالي سعرها ب180 للكفر الواحد . طيب السؤال كيف كفراات هانكوك ممتازة ولا طيبة ولا رديئة وهل لها درجااات مثل البريجستون واسف على الاطالة .
وان شاء الله المجربين مايقصروا معايا

[حامض حلو23]

للرفـــــــــــــــــع

[البحلس]

السلام عليكم أنا مجرب كفرات هانكوك في ونيت للتحميل والتنزيل بصراحه روعه امشي عليها بالراحه 3 سنوات واللي اعرفه عنها أنه يوجد منها مقاسات مختلفة ودعسات عادية ورياضية ولجميع انواع السيارات باالإضافة إلى الضمان إذا أخذتها من الوكيل ( بن شيهون)
سيارتي الآن فورد وكفراتها برجيستون وبصراحه ندمت على الهانكوك والمرات الجاية مالي إلا الهانكوك والله ما اركب الى هي تقبل مروري دمت بود

[البتارRS]

السلام عليكم
شوف يا طويل العمر انا قبل سنة ونص تقريبا ركبت كفرات هانكوك على الكامري بس كان الجنط مقاس 14 والكفر عرض 195 وارتفاع 70 وكانت روووعه وهادية على الخط بس الان غير الجنوط وركبت جنط 16 و اول مرة ركبت كفرات تويو 16/205/60 ماركة TPT والان بعد سنة صار لي مسح في الكفرين الامامية واضريت اغيرها وبصراحة تعبت وانا ادور على نفس المقاس وبعدها نصحوني بالهانكوك وركبت كفرين امامية نفس المقاس 16/205/60 بسعر 270 ريال للكفر حلوة بس لما تكون مسرع وتتجاوز سرعة 150 تسمع صوت في الكفر لاكن ماشية واضنها من تحديد السرعات مع انه قالولي ان الكفر مفتوح السرعة وشكرا
اخوك البتار

[Abdullah.ags]

السلام عليكم
انا مجرب كفرات هانكوك على سيارتين وبصراحه ممتازه ومافي اي ملاحظات عليها بس اهم شي خذ الكوري من عند الوكيل وابعد عن الصيني والحين ماشي فيها على سيارتي سنه وثلاث اشهر تقريبا ومازالت ممتازه بدون اي تآكل وتستحق كل ريال اندفع فيها والنوع الي استخدمه اسمه Optima من شركة هانكوك
ولا تنسى ان كل شركة عندها اكثر من نوع وصناعة ومدى تحمل للحرارة والثبات في الطرقات يعني لاتنسى تشوف المواصفات هذي وتاخذ الافضل
تحياتي

[Made for ksa]

كان عندي 3 كفرات برجيستون وكفر واحد هانكوك ... وبعد مرور سنتين .. لا حظت أن كفرات البرجيستون تآكلت مع الجوانب بينما كفر الهانكوك بقي شبه جديد ولم يحدث له تآكل مع الأطراف مع بقاء الدعسه سليمه ..

لذا هانكوك ممتاز إذا كانت نوعية جديده وTembreture A و Traction A وأنصحك بها

[abukinan]

والله انا لما قررت اغير الكفرات دلوني على هانكوك قلت بشوف رحت للوكيل اللي في الغرابي في الرياض وجبلي طقم من اللي طلبته ولكن تفاجأت بأنه لايوجد عليه مواصفات السرعه والحرارة والتحمل فامتنعت عن شرائه حتى شكله من برا ما عجبني يعني المنطقه الظاهرة من الكفر المكتوب عليها هتنكوك كان شكلها مش كل ولا بد وانا الآ مركب كفرات فالكن والحمد لله مرتاح معها مرة وانا بصراحه لااثق برأي بياعين الكفرات لأنه بينصح بالنوعيه اللي تربحه اكثر

[حامض حلو23]

شــــــــــــــــــكر أخواني على المرور الكريم وان شاء الله اليوم أركب 4 كفراات من هانكوك صرااحة سعرها حلوو مرررة . يقول تلريخ انتاج الكفر له 4 اشهر باتمام والكمال ماتحسوه كثير