قناة السيارات
السلام عليكم
عندنا 2007 يوكن ماشي 70 الف ولعت لمبات الـ abs وحساسات الكفرات والمشكلة ان الوكاله قالو بنصلحها لك مع تصفية البخاخات بـ 4000 ريالعلما بأني ما أحس بشي في السيارة غير ترترة بسيطة مره ... يعني انا ما اقتنعت ان السيارة فيها شي يحتاج تصليح فعلا غير تصفية البخاخ ..
هل أروح لورشه تطفيلي لمبات التشيك هذي وأسحب على الوكاله .... ولا أصلحها عند ورشة غير الوكالة أرخص ... ولا أطيع الوكالة وأمري لله ؟؟؟
أفيدونا بارك الله فيكم ؟؟
احوووووووول سرقة 4000 ريال عشان تصليح حاجة تافهه
يااخي لو تعرض لنا وش يجي لك من علامة يعني لو تصور الطبلون عشان نعرض لك تشخيص المشكلة.....
ثم حساسات الكفرات تقدر تبرمجها من الشاشة عندك وتطفي بس يلزمك تقرأ الكتلوج عشان تعرف
ولو كنت مغير كفر راح تطلع لك ..
ولو بنشر عليك كفر ورحت للبنشري وكسر الإبرة راح تطلع
وللمعلومية الحساس الواحد سعره 270 ريال لكل كفر
أما الabs فأتوقع مشكلته سهلة بس أول عطنا صورة للطبلون عشان نتأكد هي أو لا!
مشكلتك بسيطه عندك واحد من الحساسات فيه مشكله يجي في كل كفر سنسر وهو متصل بل الا اي بي اس
روح اي كهربائي شاطر يجيكهم ليك وخله يجيك الحساس الا في الدفرنس يسبب بعد نفس المشكله وبالتوفيق
اخوي ماجلان وفيت2 مشكورين على تجاوبكم معنا
وما عليش ألتمس العذر لأن المعلومات اللي ذكرتها كانت قاصرة جداً لأن اخوي هو اللي ودى السيارة لفرع التوكيلات في أبها وما وضح لي التفاصيل وألحين أخذنا تقرير التشيك من الوكاله وهو كالآتي :
صيانة كهربه /
تغيير حساس الكفر الأيمن
+ تغيير منظم الهواء
+ اصلاح ظفيرة حساس السرعة
+ ظبط برمجة كمبيوتر
= 2856 ريال
صيانات أخرى
تغيير بواجي
+تنضيف بخاخات
+تنضيف ثلاجة مكينة
+ تنضيف فلتر هواء
= 1226 ريال
علماً بأن أخي كان منتظم في الصيانة الدورية قبل نهاية الضمان وقيادته للسيارة راكدة وما يستخدمها في البر نهائياً .
وبالنسبة لحساس الكفر قد يكون مكسور لأنه تم تغيير المساعد الأيمن قبل فترة.
المشكلة في الأشياء اللي قاعدين يعددونها لنا مثل ظفيرة وحساس السرعة مع انه توه مسافر بها وما يحس فيها بأي شي باستثناء الترترة البسيطة... يعني هل فعلا الظفيرة خربانه والمنظم يححتاج تغيير والبخاخات والثلاجة تتحتاج تنظيف ؟ وعلى فكره شكلهم زايدين الأسعار بعد حملة المقاطعة يعني حساس الكفر مثلا بـ 326 ريال.
وهذي صورة الطبلون
أبــ UP
لمن لديه خبره !!!
أخي الكريم كل كلام الوكالة كذب X كذب
تغيير بواجي
+تنضيف بخاخات
+تنضيف ثلاجة مكينة
+ تنضيف فلتر هواء
= 1226 ريال
ماذٌكر بالأعلى هي إستنزاف للجيب أما مشكلتك الحقيقية فهي في شيئين:
1- تغيير الحساس حق الإطار الأيمن فقط
2- تغيير ظفيرة حساس السرعه والمختص كذلك لعمل abs+stability trackلنفس الإطار إذا كان فحص الكمبيوتر قد أظهر الخلل منه
لأن حسب ماهو موجود عندك إن الحساس بعد تغيير المساعد لم يكن من غيره موفقا فقد كسر حساس abs وكذلك حساس ضغط الإطارات، وانظر لحساس السرعه ( abs + stability track) بالأسفل
وللمعلومية سعر هذا الحساس بالتشليح في الرياض قبل فترة بـ50 ريال مع ضمان عمله
غفر الله لك ولوالديك أخي مجلان .... وشكر الله لك
الآن أحس ان المفهوم اتضح أكثر ... وعموما ظفيرة السرعة هي أغل قطعة في التقرير حوالي 1500
الله يكون في العون نفس تقريبا مشكلتي في النهاية تركتها ولا سويت فيها شيء محد عرف وش هي المشكلة
حتى الوكالة
http://www.assayyarat.com/forums/sho...d.php?t=143229
رد مع اقتباس