رابطـــة..ملاك فكتوريا وماركيز..أخبار×نقاشات×إستفسارات×إكسسوارات

[مستشار]

استفسار اخر انا كل مااغير الزيت وامشي علية تقريبا 1600 الاقيه ناقص ومكينة السيارة من افضل ما تكون

كيف الحال

عندك جلد بلوف تعبانة يبيلك طقم جلد .... بس يكون أصلي ؟؟

[مستشار]

السلام عليكم ..

بصراحة اللي شجعني اسجل هو تجاوب الاعضاء والمشرف مع الاستفسارات

الله يعطيكم العافية على اللي تسوونه ..

انا عندي استفسارات وبالاصح مشاكل بموتري واتمنى تفيدوني وتساعدوني

المشكلة الاولى: الموتر صارت قومته ثقيلـة يعني اذا دعست للموتر احس مكتوم

وياخذ وقت عشان يغير للنمره اللي بعدها وما يغير للنمرة الا اذا رفعت رجلي عن البنزين (الدواسه)..

رحت لورشه وقالي عندك كراسي المكينه وكراسي القير ما ادري اذا المشكلة منها صدق ..!؟

المشكلة الثانية:
اللي معي انا فورد كراون فيكتوريا 99 امريكي ونازل من قدام بصراحة عجزت معه ابيه يرتفع

ويصير عادي ما قدرت يضبط اسبوعين ثم ينزل مرة ثانية وش الحل ..

المشكلة الثالثة:

الاصوات الداخلية وش الحل معها

ادري اني طولت عليكم بس من اللي فيني .. وناوي ابيعه ومتردد الحقيقة

كيف الحال

السيارة مكتومة أسبابها كثيرة والمكانيكي يحدد الخراب على الطبيعة لكن المكانيكي الي قال من كراسي المكينة ما عده سالفة وهذا مو مكانيكي للأسف ..

وأنا من وجهة نظري قد يكون من الشكمان مسدوود عليك بتنظيف الدبات وشف السيارة وش يصير فيها ؟

واليايات تتعرض للحرارة ولابد تنزل خاصة من الامام لوجود حرارة المكينة .... خاصة في وقت الصيف أو على الخط الطويل وفية ناس يرطبون كعكات بعد ما يلين الياي ... وأن ما طلع عندك صرصرة من الامام فهذا شيئ طيب ؟؟

والصوات من الداخل ...أكبر مشكلة تواجهة الفوررد وسيارتك قد تكون متعرضة لحادث من قبل أو ما خذ مطب قوي جدأ كسر عليك المشطبيات والكلبسات الداخلية .... والحال هو البحث عن منجد يقك الداخلي كلة ويقوم بالتربيط وتغير ما يواجهه من مشكبيات وكلبسات خربانة ؟؟

[متهوّر]

الله يعطيك العافية يالغالي ..

بس بالنسبة لسالفة المكتوم اانا من فترة شفت تهريب جنب الصرة اللي تحت حقت الزيت

ولما سألت عنها قالوا لي هي وحده من ثنتين يا تكون صوفه ووجه كارتير وامرها سهل

او لازم نفك المكينه عشان نشوف وش سبب التهريب ..

واليايات تعبت معها الحقيقة ما ادري وش تنصحني فيه عشان اخليها طبيعية .

ولو اني ابتعبك معي بس لو تدلني على مكان منجد ومجرب عشان اوح له وانا مرتاح والله لا يهينك

ويعطيك الف عافية

[سعود بن عبدالله]

السلام عليكم ورحمة الله وبركاتة

ياشباب عندي مشكلتين :-

الاوله :-
غيرت كفر سيارتي بكفر جديد ولما ركبت الكفر الجديد وأنا مسرع وجيت أهدي تجي رجه ؟؟

مع العلم قبل أغير الكفر الوضع تمام والموتر راسي ؟؟ والكفر الاول مقاسه 16/60/235

ومقاس الكفر الجديد 16/60/225

الثانيه:-

لمبة الإئرباق تشتغل فتره ونطفي من حالها وسببتلي قرف ؟؟
مع العلم أن السياره ماجاها حادث بحمد الله ؟

والسياره فكتوريا 2003 سعودي ؟؟؟؟


فزعتكم ياشباب .....

[skyman24u]

كيف الحال

أرتفاع حرارة السيارة بعد ال 120 كيلو أحتمالات ..

1- طرمبة الموية دفعها ضعيف ولا تدور الموية بشكل منتظم ؟
2- المروحة تكون شغالة لكن دفعها ضعيف؟
3- البلف كويس لكن الياي داخل البلف غير مرن؟؟
4- الاتيتر يكون متسخ ؟؟
5- وأخيرأ وناس كثيرة لا تعرف أن .. وجة المكينة يرفع الحرارة ويبخر الموية من الاديتر ؟؟

كيفك مستشارنا الحبيب
بعد قرائتي لردك هذا لم افهم النقطه الخامسه وهي وجه المكينه وش تقصد فيه
افيدنا جزاك الله
تحياتي لك

[بو جود]

صباح الخير على الجميع..
هذي اول مشاركة لي معكم وبصراحة اللي اللي شفته من مشاركات خلاني اسجل غصب..الله يعطيكم العافيه
اشكر اخي المستشار على تعاونه دون ملل مع الجميع عساك على القوة يالغالي.

( استفساري .. شريت جراند ماركيز 2000 فل ماعدا الطبلون عادي وابي اغير الطبلون دجتل لأني متعقد نفسيا من العادي ممكن يتغر والا الشغله يبيلها توليف وتغيير اسلاك وموال..اذا يتغير اش المطلوب وكم يكلفني تقريبا..ووين اقدر اغيره بالشرقية والا الرياض
اشكركم مره ثانية على هذا المنتدى الأكثر من رائع وبنتظار الأجابة لاهنتم.

[FORD-2003]

كيف الحال

مشكور أخوي ملك الماركيز على المرور ... وأشاركك التكملة ...

الزر الي في الشنطة الي على اليسار .... هو عبارة عن صمام أمن لسيارة وهويفصل البنزين عن السيارة

في حالات كثيرة ومن أهمها لو سمح اللة أنقلبت السيارة أو أنفجر الكفر أو تعرضت السيارة لحادث كبيير أو فوق المتوسط .. فأن النظام يشتغل ويفصل البنزين عن السيارة .. وفي حالة السيارة سليمة بعد أي مشكلة تواجهه ... ف بضغط على الزر يرجع السيارة كما كانت ؟؟؟؟

الف شكر لك اخوي مستشار بس يا ليت تفيدني عن زيت القير السياره ماشيه 85 وزيت القير ما تغير لو اغيره هو والفلتر يصير عليه ضرر ولا لا

[الإدريسي]

أخوي ربي يوفقك ويهنيك بموترك بس الي لفت إنتباهي من كلامك تشحيم الأبواب وشلوووون؟
أنا أخبر إن الأصوات تطلع من الديكور مو من نفس الباب على العموم ياريت تعلمنا بتجربتك وأكون شاكر لك

عشقتكـ ياماركيز

هلا اخوي عشقتك


انا كنت اتضايق من صوت الصرصرة وطلعت من الكبوت والابواب

سويت تشحيم على المفصلات حقت الكبوت ومفصلات الابواب
وفعلا الان لما امشي في اسفلت متكسر او على ارض ترابية او مطب مافي صووووووووت

الحمدالله وهذه تجربتي اتمنى تكون استفدتوا منها