المكينة

[Mashari]

السلام عليكم
عندي في الجيب مشكلة الي هي إن الزيت يدخل للمكينة
طبعا هاذي يبيلها تغيير شنابر لكن فيه واحد قال لي لا تغير الشنابر وخلها على ماهي عليه
لأن الهيونداي ما تنفع فيه.
فحبيت أشوف رايكم

[فني سيارات]

تقصد يدخل في الماكينه
ان السيارة تحرق زيت و الزيت ينقص عندك وتصليحها وعمل خراطة لازم وافضل وترجع مثل ماكانت جديدة اذا انت مستخسر فيها هذا الشئ هذا راجع لك
بس الموتر ممكن يرجع نظيف بالمره
ليس بشنابر بل بعمل خرطة يعني طقم كازكيتات (جلد ) وبساتن اكبر برقم
لو خليتها على ماهي عليه الحرق بيزيد وبعد فتره تلاقي السيارة تنقص زيت بكثره
اذا كانت الحين مثلا تاكل زيت كل 2000 كيلو بعد فتره من الزمن بتاكل كل 1500 وبعدها كل 1000

[Mashari]

الحرق صاير عندي أول بأول الزيت والبنزين ، وبالنسبة إني أكون مستخسر فيها الشنابر أنا ما أستخسرتها لكن فيه ورشتين قالو لي إذا فكيت المكينة إنس تصلح لأن مكاين هيونداي ماترجع زي ما كانت بل أردى من أول

[hathoof]

اول مرة اسمع هالكلام

شكلهم ما يعرفون يصلحونها ولذلك يولونك هالشي

تحياتي،،،

[فني سيارات]

فعلا كما قال الاخ فيه ورش ماتعرف تشتغل صح في المكاين
ترى الماكينه عاديه وتصليحا يخليها جديدة بدون مشاكل واستغرب ان هذا كلام اصحاب ورش
وليس ناس عاديين

[Mashari]

الي خلاني أصدق كلامهم يوم إني رحت لها الورشة شفت واحد نفس حقي ومسوي له صاحبه توضيب في الوكالة ب 8000 آلاف ولا نفع

[<نمر>]

مع ان المعلومة غريبة

ليش ما تضبط اذا خرط السلندر و ركب بستن مقاسس اكبر و و و و و عملية التوضيب المعتادة
مثل ما شرح اخوي فني

ممكن ان عمرها بعد التوضيب ما يكون زي ما هي جديدة لان شغل المصنع ادق و اجود لكن المفروظ تخدمة فترة جيدة بعد التوضيب بدون حرق زيت

لكن الله اعلم و اسال مجرب