قناة السيارات
بسم الله الرحمن الرحيم
السلام عليكم ورحمة الله وبركاته
أهلا وسهلا بكم يا أعضاء منتدى السيارات
في البداية الموضوع شايف من فترة ليست ببعيدة أن فيه ناس كثيرين يبون بس أي واحد يتقدم بعمل تجمع في الرياض كطلعة بر لكن ما أحد تقدم وسوى تجمع علشان ما يكون المسؤول فيه وغيره ولا أنا حاس أن فيه ناس كثيرين متحمسين لمثل هذي الطلعة خصوصا طلعتنا السابقة لحفيرة نساح وروضة الخرارة أن أبـوأنـس <<< ناوي يوهقه, أخر طلع سويناها بس كانت TEST أن أغلب الي رد بالموضع كان يبيها معلن عنها رسميا علشان يحضر فيها وأنا أتفهم هذا الشيء وأن شاء الله أبشرو بسعدكم
وأنا معليش أني بديت الموضوع بس مو حاط تحطوني المسؤول عن التجمع <<< تراه ما يلمح ههه
لذلك مبدئيا أنا حاط هذا الموضوع نقاش علشان نشوف وش علينا وش ما علينا
ونتناقش فيه البرنامج المثالي لنا في البر ولو يمكن الموضوع ما يحتاج تكبير لكن علشانه بيكون الأول على مستوى الرياض<<< يعني نبي تنظيم افهموها عاد ههههه
وأن شاء الله علشان نحصل على عدد طيب من الحضور
راح نعلن عن طلعة تجمع قبل الموعد بأسبوع أو بأسبوعين أقل شيء علشان يتسنى على الي يدخل بشكل متقطع في المنتدى ينتبه للموضوع وما يقول ترى ما شفت الموضوع كان علمتونا قبل ومن هذا القبيل ... ألخ
فشوفو أرائي بالموضوع وخلونا نتناقش
مثلا الأفضل نخلي الطلعة يوم الخميس حتى يستطيع الأكثرية الحضور
كذلك ودنا نخليها تبدا مثلا من الساعة 2 ظهرا علشان يكون عندنا وقت طويل جدا في الطلعة من ناحية التجمع في المكان المناسب وغيره
أختيار المكان البر النظيف والمناسب وفيه أماكن جميلة وسهل التجارب فيه حتى نبعد عنا المشاكل
ودي نخلي نتنقل بمنطقتين في نفس اليوم تكون قريبتين بين بعض مثل ما سوينا في طلعتنا الأخير لحفيرة نساح والخرارة كانت جدا ممتعة أنا غيرنا الاماكن وعادتي بالبر اسوي نفس الطريق علشان الواحد يستانس اكثر انه غير الاماكن
ولا ننسى الي يبي يجيب معه عدة نوسع صدرنا فيها عن الوقوف لأستراحة مثلا القهوة والتمر والشاي والنعناع والزنجبيل وفطاير وحلى وغيره من المشروبات الساخنة والأكلات
ودي نخليها الطلعة إلى الساعة 9 مساءا والي يبي يمشي قبل بسلامتهمحد مجمور يطول يقطع جماعته بس علشان نتعرف على الوجيه الطيبة وسبب التأخر لليل لان الدعوة ودي يكون فيها عشاء دجاج ومشاوي وغيره <<< يبي يشهيكم ههه , وسواليف وسعه صدر ونطول في الطلعة
وراح يكون فيه قطه للي يبي يجلس للعشاء
تحديات بسيطة ومتوسطة في الطلعات وأختبار السيارات وليس مجبور على الجميع الخوض في الاختبار
وللمعلومية
التجمع ليس خاص بأهل الرياض بل الي يبي يجينا من خارج الرياض الله يحييه وهذي الساعة المباركة الي يزورنا فيها بس يحاول يبكر بالحضور قبل الطلعة بيوم
أنا ودي أحط شروط بس ماودي اخليها صعبة أو ثقيلة
يعني مثلا
1- شروط الحضور ليس أن تكون عضو بالمنتدى أهم شيء يكون مع واحد من نفس المنتدى السيارات
2- الحضور بسيارة دفع رباعي سليمة وخالية من المشاكل ليس شرط انك تمتلكها أدع أحد زملائك يمتلك سيارة دفع رباعي يستطيع الدخول والتطعيس بها سواء بيك أب أو جيب أما سيارات الدفع الرباعي المستمر الغير مخصصة للبر أو الفانات الدفع الرباعي لانود حضورها
(مانبي نوقف كل شوي علشان مشكلة واحد)
3- التقيد ببرنامج الرحلة وبكلام المسؤول عن التجمع وعدم عمل فوضى في الطلعة.
4- عند التطعيس وغيره نبي التطعيس بشكل سليم وبشكل هادئ وليس طائش نبي الطلعة تنتهي على خير.
وهذا ما لدي
فأنتم وش رايكم
أنا بمبديا ودي نخلي الطلعة بتكون في شهر ربيع الثاني بأذن الله تعالى
أرئكم يا شباب
وقد وضعت تصويت في الموضوع عن الي يبون يحضرون بشكل مؤكد او شبه مؤكد أو ما يقدر يحضر
عموما شباب رجاء المصداقية بالتصويت ما نبي نلقى التصويت وصل مثلا فوق 25 شخص مؤكد وفي الأخير نلقى بس الي حضرو 10 أشخاص
خلنا نتناقش بالموضوع
أخوكم أبـــــــــــــوأســــــــــــد
هذي السنة مافي أمطار والله المستعان وحتى لو كان الجو حار راح نخليها مثلا بعد العصر نشوف رأي الباقين
