يا جماعة الخير سمعت من واحد يقول ان قير الاوميغا بعد 100 ألف يغير ولا له صيانه .
وش رايكم بذا الكلام إلي ما دخل راسي .
ودمتم.
قناة السيارات
يا جماعة الخير سمعت من واحد يقول ان قير الاوميغا بعد 100 ألف يغير ولا له صيانه .
وش رايكم بذا الكلام إلي ما دخل راسي .
ودمتم.
بصرحها كلم خطاء انا عندي اوبل اميغا وملغم فيها قطع وماشاء الله تمام السيارة بس اهم شي انتبه على الزيت والفلتر تبع القير كل فتره شوف الفرق انشاء الله .صاحب العاجوه اخوك المشاكس52.
كلام غير سليم ... انا عندي اوميجا 2002 ماشية الحين فوق ال 155 الف ولا فيها اي مشكلة ولله الحمد بس اهم شي تغير الزيت والفلتر كل 70 الف ولا تسويه الا بالوكالة لان عيار الزيت الكتروني .. على كلام مهندس بالجميح ..
والاهم السيفتي بلت ( السير الداخلي) برضو غيره كل 70 الف ...
والفرامل الصراحة ما ادري هي كذا ولا اللي عندي مكبوب عليها موية قراية .. غيرتها على 80 الف والثانيه على 150 الف ... يعني تعيش معك .. عموما السيارة حلوه بس لا تصدم بالوجه .. كثير شباب اعرفهم انكبوا بقطع الغيار ..
تحياتي لك!
الـــسلام عليكم
ياااااااا أخوان كلام الأخ صحيح أنا أخوي عنده أوبل 2001 محافظ عليها مرررره بس حس أنه بعد ما تعدت 120 الف بدا يطلعلها صوت وكأنه في القير رااااح لم الجميح قالوله عادي السيارة كذا صوتها بعد 100 الف
هذا ما حبيت أتكلم عنه
وشــكــرا
لا يااخي كلام غير سليم اذا كل 100 الف يعني تقريبا كل سنتين تغير القير كلام غير معقول
انا معي 2003 تقربيا امشي الحين في التسعينات والقير مشاء الله توب ماصار فيه اي تغير من ناحية العزم او الصوت فيه
بس اهم شي سو زي ماقلولك الشباب غيره الزيت والفلتر في الوكاله ماهما حصل لا على حسب كلام المهندس السوداني الي في الجميح يقول ان في القير سنسر الي هو حساس اذا انفصل هذا الحساس لازم تسوي له اعادة برمجه والا القير ماراح يمشي
أول/ شي الحمد لله أن السيارة مو لي لأخوي ...... أنا لايمكن أشتري سيارة وكيلها الجميح...
ثانيا / ياحبيبي السيارة مشاكلها كثير ولا أذكر مرة 3 شهور ألا وطالع فيها صوت ,, والي ياكلها أنا ياخذ أخوي سيارتي وقت ما تكون سيارته في الوكاله ؟؟ الوكاله ؟؟
ثالثا/ انا أستغرب من مصانع الاوبل في المانيا على أي أساس يعطون الجميح الوكاله ؟؟؟ الي ماعنده فروع خاصه برياض ..طبعا أنا أتكلم عن مراكز الصيانه الكبيرة ... زي الوكالات الثانيه
رابعا / إذا تقول كلامي مو صحيح ليش الوكاله لقولون له السيارة طبيعتها كذا مع الزمن تتغير ...
أبي جواب سريع لأن أخوي يبي يعرف وشيسوي
وشكرا,,,,
اخوي احمد الكلام هذا مو صحيح ابدا انا عندي اوميقا 2002 صارلها الان سنتين ونصف معي
والسيارة ماشالله جدا ممتازة وانيقة بس لازم تسوي تغيير للسير الداخلي (الجنزير) مهم جدا بعد الخمسين الف كيلو
وصيانه مستمرة والحمد لله زي العسل وماشيه 92000 كم ولا اسمع اصوات ولاخرابيط .
اولا اشكر جميع الأخوة على ردودهم وحبيت اوضح شي ان المشكلة ما صارت عندي مع العلم أني امتلك اوميقا 2000
بس واحد يقولي هالكلام وما اقتنعت ابدا وإلا يخواني المفروض شركة أوبل داجة من سنين اذا الكلام هذا ينطبق على سيارت الاوميقا كلها.
ثانيا : ودي اوضح أمر ثاني أن المشكلة في الاوميقا انها مثلها مثل الباسات والاودي والبي أم يعني سيارات تحتاج صيانة مهي مثل التويوتا والنيسان مشاكلة قليلة والناس بحكم تجربتهم لأول مرة للسيارات الالمانية بعد السيارات اليابانية يظنون انها ما تحتاج لصيانة ابد فتلقاهم يكرهون السيارة لهذا السبب.
لكن تظل سيارات الأوبل هي اقل جودة في المصانع الألمانية ويعيبها في السعوديه ان وكيلها الجميح ابو فرع واحد للصيانة بالعاصمة السعودية الرياض. اللهم لك الحمد
وانا بأذن الله ليس لأني امتلك اوميقا ولكن بعد ما اكسرها وابيعها سوف تكون سيارتي الجديدة القادمة وسيارات أولادي ما هي من الجميح حتى لو كان وكيل لسيارت اللكزس والتويوتا والأسباب لمن عنده رغبة ان يشري من الجميح هي:
1. فرع واحد وزحام شديد ويمتلك أكثر من وكالة سيارات بفرع واحد وصيانة واحدة.
2. تعامل جيد عند الاستقبال وعند التسليم كأنك شحاذ هذا اذا صلحة سيارتك وطلعة سليمة.
3. عدم كفاءة المهندسين ويمكن يكون واحد فاهم والباقين يتعلمون وانت وحظك.
4. يستقبل سيارات المرور والشرطة مع سيارات الأفراد.
عشان كذا انا والله متحسف على الاوبل والله انها سيارات فيه متعة وراسية ومواصفات كاملة لكن الجميح كرهني فيها وحتى بسيارات ثانية مثل الكابرس الجديد بس دام الجميح حاط فرع واحد للصيانة وتعامل زفت ما فيه أمل خلاص.
وآسف على الاطالة
