ماهي عيوب وخرابات النترا الشكل القديم 2006 -2004
السلام عليكم
وش رأيكم بالنترا 2006 واقل القير عادي
وش عيوب وأكثر خرابات هالسيارة وقطع غيارها التجاري درجة اولى جودته قريبة من الأصلي مثل النيسان او فيه فرق كبير وبكم تركيب الشنبر نص توضيب مع القطع
والقطع الاستهلاكية مثل القماشات والفحمات والبواجي اسعارها عادية مثل الياباني او اغلى ؟
وكيف اعرف ان السيارة كانت أجرة او استخدام شخصي؟
وشكرا مقدما
رد: ماهي عيوب وخرابات النترا الشكل القديم 2006 -2004
النترا ابعد عنهااا تراهاا جوده صفر وشووف موضوعي واحكم بنفسك
رد: ماهي عيوب وخرابات النترا الشكل القديم 2006 -2004
اي صح شوووف موضوووعه وشوف ردود الاعضاء ياخي الله يوفقك باللي تبيه
وانت تشوووف الموديل هذا خصوصا 2006 مع التكاسي ولا يقووول لا واذا ودك بموتر ثاني الله يوفقك وييسر امرك
والاعضاء يفيدونك اكثر مني
رد: ماهي عيوب وخرابات النترا الشكل القديم 2006 -2004
عند واحد من اخوياي النترا 2006 وكارفها وماشيه معاه تمام وماشية اكثر 160000
بس مرة واحدة غير كرسي المكينة من الحفر الي كان ياكلها والسيارة الى الأن معاه ولا شكى منها
رد: ماهي عيوب وخرابات النترا الشكل القديم 2006 -2004
انصحك ابعد عنها ابعد عنها نصيحه وانا خوك يمدحون الجديد ولكن لا ازكيهم اسئل راعي القديم وشوف رده والله يشتكون منها ولكن الجديد اضن تغير كليا والكل يمدح فيه
رد: ماهي عيوب وخرابات النترا الشكل القديم 2006 -2004
خذ مني الكلام الصحيح
وتقدر تراسلني على الخاص
انا معاي انترا 1,6- 2005
خمس سنوات وماشيه 190000
الايجابيات :
عمليه جداً - استهلاك الوقود منخفض جدا (ماتحتاج ميزانيه) اعبيها 20 ريال بنزين 91 وتكفيني اسبوع كامل - خفيفه داخل المدينه - صيانتها رخيصه جدا
السلبيات:
غير مريحه في السفر الطويل بسبب قساوه المراتب وهذي ميزه كل السيارات من فئتها يعني طبيعي ما اشوفها سلبيه لان السيارة لم تصنع كي تكون سياره فارهه
يكون العزم ضعيف اذا كانت ما كينتها 1,6 اوتوماتيك- ينصح بالماكينه 2000
تغيير الجنزير (timing belt) كل 80,000 كم والا راح ينقطع ويخرب عليك راس المكينه
بشكل عام السياره اثبتت وجودها كسياره عمليه ورخيصه
وشكرا
رد: ماهي عيوب وخرابات النترا الشكل القديم 2006 -2004
اخوي انا عندي نفس الشكل اللي تدور عليه 2005 1.6 والسيارة لها معي خمس سنوات وشيء وماشية 228 الف كيلو وللامانة السيارة ممتازة وماتصرف بنزين وخراباتها قليلة جدا وصبورة وسافرت عليها كثير عندك الفحمات والسيور تحتاج تغيرها بين فترة وفترة لكن عمر الفحمات طويل وقطع غيارها تجي نوعين تجاري درجة اولى واصلي والاصلي والتجاري مابينهم ذاك الفرق بالسعر والقطع التجاري ممتازة والاصلي ماهي غالية اخر مرة غيرت فيها قطع قبل 60 الف كيلو
والحين في كم شغلة يبيلهم تغير مثل ركب ومساعدات لكن السيارة تمام وماشية زي العسل وماتوقف والبيت كله عليها اضافة للازيرا هيونداي تخدم ولكن نصيحة مني اذا جيت تشتري دور على مكينة 2.0 2000 سي سي اكبر وافضل نوعا ما
وبالتوفيق والله يكتبلك الموتر الطيب :smile:
رد: ماهي عيوب وخرابات النترا الشكل القديم 2006 -2004
ماقصرو الاخوان تجارب شخصيه افادوك فيها , وبالنسبه للشكل الجديد عمليه + مريحه + هادئه + رائعه + كويسه :bigggrin: + جميع ماسبق :wink: