هل يستحق ال VXR الفل مقدارالزيادة في السعر عن ال GXR فل والبالغ (50000 ريال تقريباً)
السلام عليكم ورحمة الله وبركاته
أسعد الله أوقاتكم بكل خير اخواني أعضاء وزوار منتدى السيارات هذا المنتدى الرائع ...
حبيت أن أعمل استفتاء للإجابة عن هذا السؤال :
هل يستحق ال VXR الفل ( بما فيه من إضافات وأنظمة) مقدارالزيادة في السعر عن ال GXR-V8 الفل والبالغ خمسون ألف (50000 ريال تقريباً) ...
أرجو المشاركة من الجميع . وكل الشكر والتقدير لكم مقدماً...
وقد بحثت في هذا الموضوع واخترت لكم أبرز المشاركات بأسماء أصحابها وهي كما يلي:
(1) بن صبح
يا اخوان اليوم موضوع بتكلم فيه عن تجربتي للأندكروزر في فئتين فقط
موديلا 2008 / 2009
vxr و gxr
والي ابي اذكره فقط هي العيوب (( العيوب فقط ))
نبدأ في الفخامه الي اهو ال vxr
سياره فخمه وفيها مميزات فريده ونادره ومن اهمها نظام التعليق ..
لكن عيوبها ..
اولا سعرها غالي (( 19200 الف دينار كويتي )) (( 255 الف ريال سعودي))
فيها هيدروليك لكن عيبه ثابت ومبرمج على الوزن ان قل او نقص .. وليس على السرعه ..
المراتب (( الكشنات )) جلد فاخر طبيعي معالج , لكن عيبه لا يوجد فيه تدفئه ولا تبريد يعني بالصيف تنشوي وبالشتاء تتجمد .. ياساتر .
السياره عليها زوائد تكميليه وجماليه عباره عن فيبر وهذا مايجعلها لاتصلح للبر لان نزولها من الامام ومن الخلف قد يسبب في تعرضها للتشققات والتشوهات في فايبر الدعاميه .. وكل شوي تحك ..
اجهزتها الالكترونيه ومميزاتها المتطوره لا تأهلها ان تكون سيارة للبر بعد 3 سنوات من شرائها .. تبدأ الخربات تطلع .. واولهم نظام التعليق ..
سعر قطع الغيار لها نااااااااار لانها فقط تحمل أسم vxr
السيرفس غالي + وزنه زايد عن غيره والسبب التطور والتكنلوجيا
يعني بالعربي مركب كشخه وتطور فقط
gxr
موتر حقيقه للبر وا افضل جيب على الاطلاق للبر ..
خفيف في الفزه والسرعه
يتحمل كل شي ..
فيه فرق في صرفية البترول (( البانزين )) لانه اخف ..
اكترونياته قليله .. وزنه خفيف
رفعته حلوه ومستوى واحد
سعره (( 14800 )) دينار كويتي (( 193000)) ريال سعودي
الكشنات مخمل فاخر
موتر سعره فيه عند المبيعه ..
موتر مؤهل من باب الوكاله الى 5 سنوات او اكثر لان يكون على نفس العطاءات ..
بس عيبه المرتبه الخلفيه مافيها فاصل (( مركى )) (( تكايه ))
والعيب الثاني مافيه شاشه في بين عداد السرعه وال rpm لانها جميله وضروريه
بصراحه بالنسبه لي gxr انه افضل من ال vxr
لانه زياده كبيره في السعر والفرق بينهم واضح وعلى غير معنى .. ليش لانه فقط على اكسسوارات وكماليات فقط شي تكشخ فيه وعقبن يخرب وتتوهق فيه وتكرهه..
تقبلوا مني احترامي لكم وجزيل الشكر ..
ولا يزعلون اهل ال VXR لو اني ضيقت عليهم وحرقتهم شوي .. لكن هذي تجربتي الشخصيه ولكم الردووود والمشاركات ..
************************************************** *
(2) هاوي دبي
مشكور عالمقارنه
وانا ما اؤويدك في مقارنتك
اولا الفرق كثير بين الفكسار والجكسار علما بانني من ملاك الجكسار لكن حبيت اني ما انحاز لاي فئة الفرق هو:-
1-المراتب الجلدية
2-نظام التعليق
3- نظام الزحف
4- الهيدروليك
5- ازرار التحكم في التكييف الخلفي الكترونيه
6-الشاشة
7- غلق الابواب من الابواب الخلفية
8- التحكم في تشغيل المسجل والراديو والسي دي من السكان
9-الكاميرا الخلفية
10-فرش الارضية من القماش الفاخر
11-العدادت زينون مثل اللكزس
12- كراسي كهربائية
13- نظام تشغيل السيارة عن بعد
وفي موديل 2010 طبعا تغيرت الرنجات
وطبعا الفكسار كذلك موتر محافظ على سعره وله زباينه ولا زالت موديلات 2008 تنباع حول 200 الف وقبل فتره واحد من الربع خذ فكسار 2009 ب215 الف
والحين نبدا بالاسعار
اولا فرش الجلد 10000 درهم
الشاشة قيمتها 20000 الف درهم وخذ الي ذلك الكاميرا الخلفية والكراسي الكهربائية ... الخ والأنظمة الاخرى المتعلقة بالقيادة يعني انت لو تدفع بيزات زيادة بتدفعها على شي يستاهل
واتمنى اني اكون وفقت في الشرح والمقارنه
************************************************** ***************
( 3 ) شـــاص وبس
الى الان لم اجد بالموضوع سبب واقعي يخلي الفكسار ماينفع
كل كلامك " الانظمة والالكترونيات تخرب "
ابي تفصيل
من واقع تجربتك وش خرب معك يوم دخلت البر
ابعد عليك الانظمة الاكترونية الموجودة بالفكسار دون الجكسار
واختر منها الي يخرب والي يعيش
1- الهايدروليك kdss
2- الكرول سيستم crowl system
3- نظام توزيع الدفع النشط < يلتغي عند تشغيل الدبل
4- مانع الانزلاق < له زر فاصل
5- الشاشة " النفقيشن "
6- طبلون الاوبيترون وشاشة المعلومات الصغيرة
7- الدركسون الكهرب
8- المكيف الخلفي الالكتروني
هذي الانظمة الاكترونية الي موجودة بالفكسار زيادة على الجكسار
اي منها يخرب
ابيك تعطيني تجربتك للفكسار بصراحة
ثم ابعطيك تجربتي بعدها
انا جربت جميع الانظمة وبجميع الظروف " ماعدا الثلج " وبكل صراحة
لافادة الاعضاء والزوار والمقبلين على شراء الاندكروزر
ابتناقش انا واياك في كل الامور ماعدا الاسعار مفروغ منها
.................................................. .................................................. .....................................
من اي جهه تقارن مافيه مقارنه
الي قالو التقنيه ومامشيت معاهم قالو الاسعار
ياخي لو بغيت تقارن بالاسعار مافيه مقارنه
والي يقول الفكسار مايستاهل قيمته
والثاني يقول اذا وصلت الفكسار آخذ لكسز
هالحين سعر الجكسار 193 الف ريال سعودي
وسعر الفكسار 238 الف ريال
الفرق 45 الف ريال
رد: هل يستحق ال VXR الفل مقدارالزيادة في السعر عن ال GXR فل والبالغ (50000 ريال تقريب
موتر حرام تدفع فيه هالقيمة
بقيمته تشريلك أرض وسيارة وتعرس
رد: هل يستحق ال VXR الفل مقدارالزيادة في السعر عن ال GXR فل والبالغ (50000 ريال تقريب
في ناس تدفع كاش ماعندها مشاكل
عشان كذا الوكيل الموزع لاندكروزر مبسوط
يرفع الاسعار على كيفه والناس تشتري والله يرزق الجميع
رد: هل يستحق ال VXR الفل مقدارالزيادة في السعر عن ال GXR فل والبالغ (50000 ريال تقريب
اعتقد ان سعره يساوي عماره عظم :smilie16:الله يخلف علينا صراحه الشعب عندنا ملعوب عليه بقوه:wink:
رد: هل يستحق ال VXR الفل مقدارالزيادة في السعر عن ال GXR فل والبالغ (50000 ريال تقريب
بغض النظر عن مسألة الفرق بالسعر..
لكنها قاعدة معروفة في اللاند الجديد..
تبي الرزة خذ الفي اكس آر..
تبي البر والمطامر والكرف..خذ الجي اكس آر..
شخصيا ما راح احط مبلغ يزيد عن 150 الف في سيارة ابدا ما دام هناك بدائل منافسة في الجودة والأداء..
لكن يبقى اللاند مركب شيوخ له قيمته ووزنه..
رد: هل يستحق ال VXR الفل مقدارالزيادة في السعر عن ال GXR فل والبالغ (50000 ريال تقريب
الاخ ابو جميل ما يرضيه إلا مكسب 150% ومرضي عنه والسبب نعرفه جميعاً يعني ابن امه وابوه يقدر يقول شي للأخ ابو جميل
رد: هل يستحق ال VXR الفل مقدارالزيادة في السعر عن ال GXR فل والبالغ (50000 ريال تقريب
والله حرام فيه ال 255 الف
سعر مبااااااااااااااالغ فيه بقوة
انا اشوف انه مايستاهل سعره ابدا لو وش يكون
رد: هل يستحق ال VXR الفل مقدارالزيادة في السعر عن ال GXR فل والبالغ (50000 ريال تقريب
كل الشكر للأخوة الذين شاركو في الموضوع بتعليق أو بتصويت والله يعطيكم العافية ...
نقطة أحب توضيحها وهي اننا لا نتكلم عن واقعية سعر النوعين الـVXR والـGXR نحن نعرف أن كلا النوعين مبالغ جداً في سعرهما ولا شك...
لكن موضوع النقاش هو مقدار زيادة سعرالـVXR على سعر الـGXR . هل يستحق هذه الزيادة في السعر أم لا؟؟؟