تقدر المازدا تسوي كذا؟
مافي شك ان مازدا توفر تقنيات متطورة ومميزة ما تتوفر عند منافسيها
ومع ذلك اسعارها ارخص من المنافسين
كبيرة يا مازدا
تقدر المازدا تسوي كذا؟
مافي شك ان مازدا توفر تقنيات متطورة ومميزة ما تتوفر عند منافسيها
ومع ذلك اسعارها ارخص من المنافسين
كبيرة يا مازدا
فعلا .. الموديل الجديد من خلال الصور بأن الجودة تحسنت بنسبة 70 %انا مستخدم للسياره فترة 11 شهر حتى الان تقريبا يعني قريب سنه
الجوده الداخليه جيده جدا , اللي ماعجبني الديكور اللي عند القير مع الاكواب ( الكونسول الاوسط )
جودته ماش صراحه , وانا طلع عندي صوت من الديكور اللي خلف المراتب الخلفيه مع الشوارع الخشنه فقط , وديكور باب الراكب ( النيكل ) يطلع صوت مع الاوفر حق السماعات لكن لما اخفضه يختفي الصوت
اما الباقي ارى انه ممتاز خصوصا الطبلون الامامي , وما طلع اصوات غير من اللي قلت لك فوق
لكن مازدا واضح من خلال صور الداخليه الجديده انها اهتمت اكثر بالجوده الداخليه
اذكر اول ما اخذت السيارة كان اداء القير ناعم للغاية ..اما بالنسبه للقير حرام عليك سلس جدا ولا تحس بالتغييرات , انا في فتره من الفترات لاحظت نتعه خفيفه تجي نادرا من القير بالتغيير الثاني الى الثالث , ولكن حاليا ارى انها اختفت وادائه ممتاز معي
لكن الان الامر في غاية السوء .. تبديلات القير غير مرضية ابدا .. لدرجة اني افكر جديا بتغيير زيت القير وراح يكلف تقريبا 600 ريال بالوكالة .. لكن المشكلة ان زيت مازدا الاصلي ATF-FZ غير متوفر سوى في الرياض فقط .. بينما فرع الخبر متوفر نوع Motorcraft تبع فورد ..
وهذا اللي مخليني اتردد هالفترة مع العلم ان السيارة مامشت الى 25 الف فقط ..
تسلم لي .. وارائك دوما محل تقدير ..شكرا لك ياغالي وهذي وجهة نظر بسيطه من خلال تجربتي
^^
اشكرك ياغالي بس ماشاء الله انت شكلك ماتمشي عليها كثير
انا بالنسبه لي ماشي حتى الان تقريبا 47 الف في 11 شهر بس امسك فيها خطوط بشكل دائم لكن اغلب الوقت بالمدن واستخدمها استخدام يومي وحتى اطلع فيها الاستراحه بطريق ترابي ولحد الان حمدلله تمام
وعلى فكره دايم اوقف السياره برا بالشمس ماعندي قراج والديكورات بشكل عام لازالت جيده جدا
انا انصحك اذا تقدر تاخذ القطع من الوكاله والزيت وتغيره باحد الورش الممتازه ماراح يكلفك شغل اليد 100 ريال بالكثير وانت بكيفك
ولو تقدر تبحث بالنت عن الزيت المناسب للسياره غير الوكاله لان القير حقها skyactiv يختلف عن قير الجيل السابق
وانا احاول اسأل لك عن الزيت اللي انت ذكرته موجود بالرياض ممكن يكون متوفر في جده عندهم
عشان نفيد الاعضاء البقيه
شكرا مره اخرى ع المرور
وهذي لعبة مازدا حاليا تقنيات ومواصفات توجد في سيارات غالية الثمن , موجوده في سياراتها بسعر ارخص من المنافسين
بس مافهمت قصدك بعبارة مازدا تقدر تسويها ؟ تسويها ونص
ولا شك ان Volvo الشركه الرائده في السلامه عالميا, وعاجبني داخلية الكروسوفر حقهم الجديد XC90 انذهلت بالابداع الموجود في الداخليه رائعه بشكل لا يوصف واكيد سيارات Volvo القادمه راح تكون بنفس فخامه هذه المقصوره الرائعه
شكرا لمرورك ياغالي
بالعكس اكثر ما يميز القير انه سريع جداً بالنسبة للقيرات العادية عند السرعات العالية، وعند السرعات العادية سلس جداً وخفيف، اما بالنسبة للزيت ترى الزيت اللي فيه نظامه انه مايتغير بالمرة من اول ما تطلع السيارة من المصنع، وهذا كلام الوكيل
اما عن الداخلية فهي أفضل من الجيل اللي قبله بمراحل
طيب واذا كان الزيت ناقص .. اتركه على فاله ؟؟بالعكس اكثر ما يميز القير انه سريع جداً بالنسبة للقيرات العادية عند السرعات العالية، وعند السرعات العادية سلس جداً وخفيف، اما بالنسبة للزيت ترى الزيت اللي فيه نظامه انه مايتغير بالمرة من اول ما تطلع السيارة من المصنع، وهذا كلام الوكيل
قير السيارة وصل مرحلة لدرجة اصبحت التغييرات بين كل نمرة والثانية تسمع حنة بالمكينة ولايبدل بسرعة ..
اتمنى ان لاتصل الامور لبيع السيارة من اجل ذلك ..
^^
الله يعطيك خيرها ويكفيك شرها , انا انصحك تغير زيت القير بالنوع الموصى به من الشركه
وان شاء الله تتحسن الامور
كل الشكر لكم جميعا على المرور
* تم التحديث بتفاصيل أكثر في المشاركه الأولى من الموضوع *