يعطيك ربي ألف عافية يا فيصل
و اشكرك جزيل الشكر على ما تفضلت به من خبرات
بقي ان اسأل عن مدى توفر قطع الغيار ف سوقنا
هل من معاناه في الحصول عليها لا سمح الله
ايضاً طريقة اصلاح السيارة أو استبدال اياً من اجزائها
هل واجهت صعوبه في عدم معرفة الورش بالسيارة
و سلامتك
صراحة عتبي على اليوكون والتاهو
الديكور الداخلي اصوات وغير كذا بلاستيك رخيص وسعره شوي مرتفع
اما الاكسبديشن حلو صراحة وسعره فيه
الله يعافيك اخوي ابو باسل
لله الحمد لم اجد صعوبة في شراء اي قطع
اما عن الورش في البداية اغلب الورش لم يكن لديها اجهزة لفحص الاكسبديشن 2007 ( الشكل الحالي )
لكن الان 90% من الورش لديها جهاز فحص كمبيوتر الاكسبديشن
و الحمد لله لم اعاني من مشاكل خطيرة في السيارة
و كل القطع الي غيرتها تعتبر قطع استهلاكية
بس أخي لا تنسى إنه فيه أكثر من وكيل يوردون القطع وراح تلقى تفاوت كبيييييير بالأسعار
نبدأ بالوكلاء أولا
الجميح , العيسى , بالبيد و التوكيلات , acdelco , أوتو ستار , هذا اللي يحضرني
أما بالنسبة لتفاوت الأسعار فإليك ما حدث معي
أنا سبق وشريت المرايه الجانبية ( الجميح عندهم بحوالي 900 ريال ) وأنا شريتها من التوكيلات بـ 550 ريال يعني فرق حول 350 ريال
ورحت للجميح مره وحصلت غطى الجنط عندهم بـ 280 ريال وعند التوكيلات شريته بـ 100 ريال
والفحمات بالتوكيلات فوق 1000 ريال وعند acdelco بـ 900 ريال وعند أوتو ستار بـ 670 ريال يعني فرق أكثر من 300 ريال
اليطارية عند الوكالة بـ 550 ريال وشريتها من عند أوتو ستار (ناسي بس حوالي 300 ريال )
أسلاك البواجي عند acdelco بـ 280 ريال وعند أوتو ستار بـ 140 ريال
=-=-=-=-=-=-=-=-=-=-=-=--=-=-=-=-=--=
للمعلومية :
أوتو ستار تابع للوكيل ( العيسى )
acdelco تابع للوكيل ( الجميح )
* القطع اللي ذكرت أسعارها أعلاه كلها ( نفس قطع الوكالة بالتمام ) يعني مو درجة ثانية
التعديل الأخير تم بواسطة أبو ديـــــالا ; 19-06-2010 الساعة 04:39 PM