بالابيض والاسود اقول لكم السلام وعليكم
هذه تويوتا كرسيدا اقدمها لكم روعة لكن ابو جميل ظالمنا وما نزل سيارتنا بالمواصفات اللي نازلة الامريكية غير اللي عندنا في السعودية احنا الحين في العام 1979 ميلادي وسيارات تويوتا الى الان
الكرسيدا في امريكا باقي شوي ويركبون شاشة مع انها ما بتجي الا بعد ثلاثين سنة بيركبون شاشات في السيارة المهم اترككم مع المواصفات اللي نزلت لامريكا.
هذه الصورة هي لتويوتا كرسيدا الرياضية .
طبعا كان فيه فئتين منها الستة سلندر كان يعدل عليها وكانت بخاخ الكتروني .
وطبعا الاربعة سلندر حجمها 1968 سي سي وقوته تصل الى108 حصان وعزم دوران يص الـ 5900 دورة في الدقيقة.
طبعا الموصفات السعودية لا تاتي بقير اوتو بينما المواصفات الامريكية لديهم قير اوتوماتيكي بنظام الـ ECT
وهو يعمل على حسب قيادة السائق نفسه هل هي رياضية او عادية وايضا على حسب ظروف القيادة يقوم بتغيير التبديلات وايضا تاخيرها او تعجيلها حسب دعسة قدم السائق وظروف القيادة.
طبعا جهاز التسخين الخلفي في الزجاج وايضا المقود الهيدروليكي واللي انحرمنا منه الا في موديلات الـ جي ال.
طبعا في الصورة اللتي في الاعلى صورة لبعض مواصفات الرفاهية للسيارة من نوافذ كهربائية وايضا غطاء للاطارات وايضا ومقبض لفتح الصندوق ومقبض لفتح مدخل البنزين .
طبعا موديلات الواجن ما تنزل عندنا بالسعودية بمساحات كهربائية بينما في المواصفات الامريكية موجودة الله يهديك يا ابو جميل وانا متاكد ان سياسة شركتك راح تستمر الى ثلاثين سنة .
غير كذا التكاية في الخلف موجودة في المواصفات الامريكية بينما السعودية لا وايضا المقود المتحرك لاعلى واسفل ما عمري شفتها في سيارة ثانية .
قولوا لي ايش رايكم بجمالها