السلام عليكم
هذه اول مشاركة لي في هذا المنتدى الرائع وحبيت اشارك الجميع و يستفيد الجميع من تجربتي ولا يقعوا في نفس المشكلة
عندي سيارة هيونداي سوناتا 2010 نظيفة وانا محافظ عليها ودائما اعمل لها صيانة دورية
يوم تعطلت السيارة علي وكانت المشكلة في كهربا السيارة لان السيارة وانا امشي فيها شفت العدادات صار نورها ضعيفة وعداد السرعة ما يتحرك ( وكانت المشكة صغيرة طبعا اعرفت هذا بعدين)
جبت سطحة علشان نشيل السيارة ( تجربة مفيدة انا اعندي تامين شامل من التعاونية وعندهم خدمة وهي المساعدة على الطريق كلمت الشركة اللي متعاونين معهم وهي شركة حماية 10 دقايق اللي السطحة عندي)
شلنا السيارة وقال لي السواق وين تبي توديها قلت وديها ورشة انا اتعامل معهم من اول بس الوقت كان الساعة 8 في الليل والورشه مقفلة فقال السواق في ورشة فاتحه اللحين انا اوديك لها
رحنا هالورشة النصابين ( ورشه السهم الفضي في الخضرية الدمام) شافها صاحب الورشة ( كان واحد سوري وعل فكرة انا انسان غير عنصري) ومن غير تشييك حقيقي بس حاول انو يشغل السيارة قال لي المشكلة في الضفيرة وطبعا انا ما عندي خبرة في الميكانيكا ولا سالت احد للاسف
خليت السيارة عندهم واتصل علي اليوم اللي بعده وقالي خلصت السيارة (وعرفت بعدين ان شغل الضفيرة ياخذ وقت) رحت له و سالت عن اجرة التصليح فكان الرقم صدمة رقم كبير جدا مقارنة بنوع السيارة ة وقطع غيارها لي وسالته شنو سويت قال غيرنا الضفيرة والدينمو (اللي بعدين عرفت من اهل الخبر ان المشكلة منه مو من الضفيرة) فدفعت قيمة شي مو مركب في السيارة ( طبعا هذا خطا مني)
الدروس المستفادة :
1. عدم الاستعجال في اخذ قرار التصليح اذا كنت غير مستعجل
2. التصليح في ورشة مضمونه وانت عارفها او التصليح في الوكالة
3. الحذر من التعامل مع بعض الاخوة العرب للاسف وهذه من تجربة (اكرر انا غير عنصري)