السلام عليكم
هذا موديل سيارتي 99 فوردماركيز واردامريكا اليوم وهي وافقه علقت ع دعسة البنزين دعسه قويه ولاحظت انا الحرار ارتفعت الين اشتغلت الدرجه الثانيه
ومادري طبيعي او لا ياليت تفيدوني
وشكرا لكم
السلام عليكم
هذا موديل سيارتي 99 فوردماركيز واردامريكا اليوم وهي وافقه علقت ع دعسة البنزين دعسه قويه ولاحظت انا الحرار ارتفعت الين اشتغلت الدرجه الثانيه
ومادري طبيعي او لا ياليت تفيدوني
وشكرا لكم
طيب يوم اشتغلت الدرجه الثانيه نزلت طبيعي ولا ظلت مرتفعه؟
لا اخوي نزلت
وشاكر مرورك
وعليكم السلام ورحمة الله وبركاته
من الطبيعي اخوي اذا السياره وهي واقفه انها ترتفع الحراره وذلك بسبب مافيه هواء
يضرب في الراديتر حتى يساعد المورحه على التبريد
طبعا مادام السياره استخدام ياليت انك تغير موية الراديتر كاملها ومع بلف الحراره
وايضاً حاول تغسل وجهية السياره وخاصة مسامات وفتحات الراديتر لانه مع الطريق
والغبار تتسكر وتنكتم السياره والمروحه ماعاد تسحب هواء كافي للتبريد
أخوكـ
ماقصرت اخوي امير
بس مافهمت غسيل وجيه السياره والمسامات ياليت تشرح لي
اخونا امير قصده شبك الأديتر نفسه من الخارج انت اولاً انظر من خلال زيق السياره من الامام وتفحّص شبك الأديتر احياناً يتسكر من الحشرات والغبار ولايسمح لمرور الهواء اللي تسحبه المروحه ان يمر على اسياخ الأديتر ليزيل الحراره الزائده لأن الأديتر صمم بالطريقه عباره عن اسياخ رقيقه جداً من الألمنيوم او النحاس واثنا مرور الهواء اللي تسحبه المروحه يلامس الهواء هذي الأسياخ ويزيل الحراره ولولا العمليه هذي خاصه والسياره واقفه كان ضربت الحراره للأخير بدائق معدوده طريقة تنضيفه إذا انه متسكر اما ينزل او يغسل بما دفعه قوي جداً مع ملاحضة عدم لمس الأديترلكن الغسل يكون من الداخل للخارج ومن الأفضل فك الأديتر وتنضيفه خارج السياره الا إذا فيه مجال وممكن تستشير مغسلة السيارات بذلك ولكن تشرط عليه عدم لمس الأديتر بطرف اللي لأنه حساس جداً ربما يكون غسله معقد إذا كان راكب لأن المراوح ربما تعطب إذا جاها ماء,,البلف احياناً يجيم ولا يفتح على الدرجه المطلوبه