السلام عليكم
ابغى اشتري سيارة جيب ومحتار وش اشتري
برادو
ولا باثفايندر
السلام عليكم
ابغى اشتري سيارة جيب ومحتار وش اشتري
برادو
ولا باثفايندر
وعليكم السلام والرحمة
اي فىات تقصد؟
في الفىات العليا تقريبا نفس المواصفات بس الباث 5 كاميرات والبرادو3
والباث فيه النقطة العمياء والرادار اما البرادو اعتقد بدون
من ناحية العزل والراحة لصالح الباث
الاوف رود لصالح البرادو
شوف امورك
البرادو سياره بر الباث سياره مدينه
الا اذا كنت تقصد الباث الشكل القديم
شوف حبيبي ما ابي اصير سلبي ولكن بطرح لك تجربتي مع البرادو
انا عندي برادو اربعه سلندر اتوماتك 2014 الموتر حلو والعزم معقول ولكن فيه ثلاث عيوب الى الحين مو لاقي لهم حل
العيب الاول التكييف لك عليه بالصيف وعز الحر لما قبل اربع شهور وصلت الحرار 45 كان المكيف مو ذاك الزود
العيب الثاني حذفه بالسياره على اليمين .. دخلتها الوكاله وعملو وزن بالكمبيوتر والليزر ولافيه فايده
العيب الثالث وهو العن شي .. تأخير بتشغيل السياره ما تشتغل على طول وسمعت من المستخدمين انه يوجد خلل في بخاخات السياره وتحتاج تبديل وقيمتهم لا تقل عن 4000 ريال بدون شغل يد
انت اخوي وعزيز وغالي وحبيت افيدك من تجربتي مع السياره
الباثفايندر ما امتلكها ولكن سمعت انه في رجه بالقير
تحياتي يالغالي والله يوفقك بالسياره المناسبه لك ولعيلتك
وعليكم السلام ورحمة الله
إذا انت تقصد الباثفندر الجديد ترى فيه فرق كبير بين السياراتين
بحكم ان الباث كروس اوفر ومناسب أكثر داخل المدينه
يعيب الباث القير CVT والدفع امامي وموجود خيار الدفع الرباعي والوكيل لك عليه
البرادو عيبه سعره غالي على مواصفاته وقاسي مركبه شوي
البرادو الفل كامل VXL مواصفاته أفضل من الاند VXR !!
4 كاميرات ورادار ونقطه عمياء ومراقبة مساار وتبريد مقاعد ومقاعد الصف الثالث ألكترونيه
وانظمة اوف رود عاليه مثل نظام الزحف والدفلوك وفيه هيدروليك لكن مشكلته بسعره
غاااالي مرره بــ 197 الف