سؤال ياشباب
أيش يخليك تحب السيارة و تشتريها?
احنا كلنا نحب السيارات ولا ما جينا لهالمنتدى لكن كل شخص يختلف عن الثاني,
في واحد أهم شي عندة قوة المكينة مثال على ذالك اللومينا مثلا أو الVW R32
ثاني يبي السيارة تكون رسمية مثل اللنكولن أو المرسيدس أو الكدلك
واحد أهم شي عندة الSound System يعني تلقا معاة كرولا لكن فيها سيستم يكسر الصخر
واحد يبي سيارة سبورت مثل الZ أو الكمارو
في ناس ماتبي إلا راحة البال و معرفة إنهم ماراح يخسرون بالسيارة لما يبيعونها و هاذول شباب التويوتا
الشغلة هاذي مهمة لأنها تأثر علي قرار شراء السيارة لأي واحد فينا
مثلا نشوف ناس معهم Mercedes C class السيارة فوق المية ألف لكنها صغيرة و ممكن تسأل نفسك لية ماشرالة Avalon أو Passat و الجواب إن هاذا الشخص لقا في الC class إلي يتناسب مع "أولوياتة" و قد تكون هاذي الأولويات أسم السيارة و الشعار إلي بيصير على مفتاح السيارة
مثال ثاني هو الواحد إلي يشتري Camry أو كورولا من الوكيل بسعرقد يكون مبالغ فية ..... يعني كثيرين بيقلون لية دفع كل هالمبلغ علي سيارة بدون مواصفات ... حتي المسجل مركبة الوكيل و الكامري أساسا مو مصنع في اليابان ....إنت ممكن تستغرب لكن أكيد إلي شرا السيارة كان في ميزان أولوياتة إلي خلاة يختار الكامري
في شغلة ثانية مثيرة للإهتمام و هي تأثير العادات علي إخيارنا للسيارة مثال برأيي هو الكابرس...... السيارة كلنا متعودين عليها مو يوم ما كنا صغار لدرجة إنها في وقت من الأوقات كانت ممكن تسمى سيارة العائلة و الناس تقبلو هالفكرة حتي مع مرور السنين و إلا ألحين تشوف إن الكابرس ماشي مع إنة مو أمريكي و إنما GM شالت شعار هولدن و حطت شفر بدالة .... سؤال ها كانت بتكون للكابرس نفس الشعبية لو سوقت لناعلى أساس إنها هولدن الأسترالية???
مثال أخر طريف و إن كان مو منتشر كثير و هو رغبة الشخص إنة يكون أوربي ... أنا ما أعني إنة يتنكر لأهلة لكن في ناس ودة بسيارة يحس لما يسوقها إنة في أوربا و إن كانت شعبية السيارة أو سمعتها سيئة مثال على هاذا ال SAAB و الجاكوار و الFree Lander
سؤالي لكم, إيش تعتقد أهم الأشياء إي لازم تكون بسيارتك?