قناة السيارات
السلام عليكم
رحت صالة عرض سيارات فورد
ركبت فورد ماركيز 2007 LS وشغلت السياره
طلع من الشكمان مويه صفراء غامقة تقول موية صدى
قيمة السياره 54 الف استخدام امريكي
----
س1 - وش سبب هذي المويه الصفراء وهل منها خوف
س2- اشرايكم في قيمة السياره
س3- هل هذي المويه تطلع اذا تاخرت السياره عن تشغيلها
وعليكم السلام ورحمة الله
المويه الصفراء هذي تكثر في الاستخدام الأمريكي
وهي مخيفة بعض الشئ .
ومن تجربتي لمثل هذه السيارات عملت لها تقارير بالكارفاكس والنتيجه سلبيه اما بحوادث أو غرق وغير ذلك
والماء الأصفر يدل على الصدأ داخل الشكمان.
لذلك افحص السيارة جيدا واطلب لها تقرير كارفاكس أو غيره من الشركات .
يعطيك العافيه مشرفنا
صاحب المعرض يقول
هذا صدى لان السياره من فتره طويله ما اشتغلت
مادري كلامه صحيح
( بعدين يا الغالي تقدر تدلني على موقع على النت يبيع سيارات الفورد بالتقسيط
من الشركه )
وش حدك على هالسيارة أخوي
وش كثر الماركيزات في المعارض والصالات ماتنعد
وكلام صاحب المعرض لاتلقي له اهتمام
وبالنسبة لمواقع بيع السيارات بالتقسيط ..فليست بنظري أفضل من البنوك
طلع لك قرض واشتر السيارة كاش أفضل
شكرا يعطيك الف عافيه
شوف غييييره
هذي مويه متجمعه في الشكمان بس
وصارت صفرا لان شكلها صار لها مده ماشتغلت السياراه وترسبت المويه
وعلى فكره وجود ماء بشكمان يدل على نظافه المكينه حيت تطلع بخار ماء اثناء الاحتراق الداخلي وهذا من جوده المحرك
معانا سياره جديده 2009 وتطلع مااء من الشكماان خفيف لما السياره تكون واقفه تشوف تحت الشكمان ع الارض قطرات مااء
